परिचय

डिप्रोक्स लघुवित्त वित्तीय संस्था लिमिटेड नेपाल सरकार, उद्योग वाणिज्य तथा आपूर्ति मन्त्रालय, कम्पनी रजिष्ट्रारको कार्यालयमा मिति २०५७ पौष २८ मा दर्ता भई विकास बैंक ऐन, २०५२ अनुसार मिति २०५८ आषाढ १९ गते नेपाल राष्ट्र बैंकबाट डिप्रोक्स विकास बैंक लिमिटेडको नाममा ईजाजतपत्र प्राप्त गरी २०५८ श्रावण १ गतेदेखि लघुवित्त कारोवार गर्न बैंक तथा वित्तीय संस्था सम्बन्धी ऐन, २०७३ र कम्पनी ऐन, २०६३ बमोजिम संचालित राष्ट्रियस्तरको लघुवित्त वित्तीय संस्था हो ।

यस संस्थामा नविल बैंक लिमिटेडको ९.२७ प्रतिशत, नेपाल बैंक लिमिटेडको ९.२७ प्रतिशत, लुम्विनी विकास बैंक लिमिटेडको ९.२७ प्रतिशत, कृषि विकास बैंक लिमिटेडको ७.६९ प्रतिशत, गैरसरकारी संस्थाहरु डिप्रोक्स नेपाल (विकास आयोजना सेवा केन्द्र) को ९.९९ प्रतिशत, वातावरण तथा कृषि नीति अनुसन्धान प्रचार एवं विकास केन्द्र (सिप्रेड) को ०.६२ प्रतिशत, नागरिक लगानी कोषको ०.५३ प्रतिशत, महिला आदर्श समाजको ०.३९ प्रतिशत, गरिमा विकास बैंक लिमिटेडको ०.१९ प्रतिशत लगायत व्यक्तिगत संस्थापकहरुको ४.०६ प्रतिशत सहित संस्थापक समुहको ५१.२७ प्रतिशत र सर्वसाधारण शेयरधनीहरुको ४८.७३ प्रतिशत शेयर स्वामित्व रहेको छ ।